Tuesday, February 13, 2007

انا و اصحابى و التحول

اليومين دول كل اصحابى بيتحوله.اصدقاء الجامعة بالنسبة لى كانو اعز اصدقاء.كنا شلة كدة ولاد و بنات.كان ميزتنا ان احنا معتدلين يعنى ماحنش بتاع صيعة و كلام زى ده.كان فى بنا عيش و ملح و ناجح و سقوط و واقفات جدعنة كتير.و ده اللى خللانى اقول دول اخواتى اللى انا اختارتهم و مرت بينا الايام و اتخرجنا و كل واحد بيشوف حياته.و لان احنا دمغنا كبيرة .و بصراحة معرفش لية ماحدش فينا فكر يرتبط او يخطب من شلتنا.و من هنا بدات مشكلتى اللى ماخطرتليش على بال.كل واحد خطب واحدة .الوحدة دية معترضة على ان خطبيها يخرج مع بنات و رغم ان فى بنات من شلتنا اتخطبوا اللا بردة البنات اللى خطبنهم الاولاد بردة بيغيروا عليهم.عايزة اعرف هو اية المشكلة ان يبقى فى ناس محترمة عارفة بعض تفضل تعرف بعض .لية الغيرة و الشك و الاغرب يا جماعة ان الاولاد بتوع شلتنا طبعا ابتدوا يبعونا واحدة واحدة.مش بس كده ده حصلهم غسيل مخ تام.يعنى ابتدوا يقولوا ان الخروج حرام و الاختلاط حرام.طيب كان فين الكلام ده من زمان.و بعدين لما تزنئهم بالكلام يقولك انا مش عايز و جع دماغ و مشاكل مع خطبيتى على و لا حاجة.احنا ولا حاجة؟على العلم ان احنا بنخرج فى مكان عام بعلم اهلينا و بنتكلم عن شغلنا و احوالنا.مش اكتر ولا اقل.الحقيقة انا حزينة جدا بس الموضوع ده.مش حزينة انهم بعدوا.حزينة انهم باعوا.حزينة عليهم انهم غيروا افكارهم 180 درجة .مش عشان هما حسوا ان خروجهم معانا غلط.انما عشان يشتروا دماغهم.انا حزينة عليهم مش منهم.مش عارفة انا اللى صح ولا هما؟

1 comment:

fr7ty said...

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

حليمة بولند

http://www.7lema.net